Feeds:
પોસ્ટો
ટિપ્પણીઓ

Archive for ડિસેમ્બર, 2009

હું નડું છું

અસ્તિત્વની રક્ષા કાજે હું લડુ છું
રોજ સવારે શિખર ચડું ને રાતે પડું છું
ઓ મરજીવા નાહક તું આમ દરિયો ફેંદે છે
સાવ મફત માં જો કિનારે હું મળું છું
વેદનાઓ થી હવે તો થઇ ગઈ છે દોસ્તી
કંઈજ હતું નથી જયારે હું રડું છું
ગોર કહે પોખરાજ પહેરો તમે “વાહક”
જો શનિ ની કુંડળી એને હું નડું છું

Read Full Post »

અંધારામાં

રસ્તો ન જડ્યો અંધારામાં,
ભૂલો પડ્યો અંધારામાં,

કૃષ્ણ કાળા હોવાનું કારણ ;
જન્મ્યો તો એ અંધારામાં,

દીવો લઈને શોધે શબ્દો ;
હું સંતાયો અંધારામાં,

નીકળી પડ્યા અવકાશયાત્રી ;
સૂર્ય ખોવાયો અંધારામાં,

છિદ્ર નથી પડ્યું નાવ માં એતો ;
ખુબ રડ્યો હું અંધારામાં ,

મૃત્યુ એટલે એજ “વાહક”
લીન થવાનું અંધારામાં .

Read Full Post »

એકલવ્ય

એકલવ્ય યુગો થી આપે છે ગુરુ દક્ષિણા
હવે દ્રોણે પણ અંગુઠો આપવો પડશે

બીજ ને દિવસે પણ લાગે પૂર્ણિમા જેવું
લઇ કટારી ચંદ્ર ને પણ  કાપવો પડશે

એકાદ લીટી માં તારો ઉલ્લેખ કર્યો છે ખુદા
તારે મારો ગઝલ સંગ્રહ છાપવો પડશે

સુર્યાસ્ત પહેલા ઘરે ફરવાનું છે ‘વાહક’
મારે મારો પડછાયો માપવો પડશે

Read Full Post »

તિરાડ


એ ક્ષણે

તારી ખુબ નજીક પહોંચી ગયો,
અને તને સ્પર્શવા જતા
અચાનક
તે થોડા ખસી
વચ્ચે દીવાલ ચણી દીધી
તે ક્ષણ
અને
આ ક્ષણ
કેટલાય વરસો, દિવસો, કલાકો
એ દીવાલ થી માથું ફૂટતો આવ્યો છું
એજ આશા થી કે
ક્યારેક તો
દીવાલ તુટશે?
………..
………..
………
પણ
આજે ખુબ ખુશ છું
સવારે જ
……….
……………..
દીવાલ પર
…………….
……………..
એક તિરાડ જોઈ.

Read Full Post »

પાંપણ

પહેલા પૂરી સાંભળી લે ગઝલ પછી જ દાદ દે;
આગળની પંક્તિ માં ક્યાંક તારું નામ હોઈ શકે

પાંપણ ઉપર ભાર છે ‘વાહક’ લાંબી સફર નો
સમજુ છું જેને ઊંઘ તે મૃત્યુ પણ હોઈ શકે

Read Full Post »

હાસ્ય ધારા


જેલર સાહેબ ખુબ ચિંતા માં હતા
મેં પૂછીયું “શું થયું સાહેબ?”
“કેદીઓ રામાયણ રમતા હતા.”
“એતો સારું કેવાય સાહેબ”
“અરે હનુમાન સંજીવની લેવા ગયો તે ગયો હજી નથી આવ્યો”

Read Full Post »

ઈશ્વર વિષે

બ્રહ્મા વિષ્ણુ કે મહેશ્વર વિષે ;
શું જાણીને કરવું છે? ઈશ્વર વિષે

કુરાન ગીતા બાઈબલ કે ધમ્મપદ
બુદ્ધ ઇસુ મીરા પયગંબર વિષે

સૂર્ય તડકો તરસ અને રણ વિષે
વાદળ વીજળી ભેજ ને ઝરમર વિષે

ગાય ગોપી રાધા ને ગીરધર વિષે
મોરપીંછ ના મુગટ ના ફરફર વિષે

ખુબ લખ્યું ફૂલ, પહાડ, સમંદર વિષે
આજ લખું થોડું મારા ઘર વિષે

શ્વાસ ધડકન મૃત્યુ ને જીવન વિષે
રુદન ડુસકા કફન ને કબર વિષે

Read Full Post »

Older Posts »